AN DUAL VA STU MAT?
I m'a vest
corar a l'impruvis
cm'e an can da trifula
quand l'a santì l'udur.
An dual va stu mat?
Eva vest n'arbul
ciapà l'aspet d'quel d'atar
e sa l'es tucà
avrés saù cosa.
Ma anca s'ag s'éra rivà ados
quasi cun la sveltisia dal panser,
arbul l'era turnà.
Cm'al fiadon a m'ag sum pugià,
la schéna la sentiva dal trunc la scorsa,
l'aria ai mé pé
l'ombra dli foi la fava tramlà.
A'n gh'era che da cuntinuà
al me tran tran.
(traduzione)
DOVE VA QUESTO MATTO?
Mi hanno visto/correre d'improvviso/
come un cane da trifola/quando sente l'odore./
Dove va questo matto?/Avevo visto/un albero
prendere un altro aspetto/ e se l'avessi toccato/
avrei saputo cosa./Ma benché gli fossi arrivato
addosso/quasi con la sveltezza del pensiero/
albero era tornato./ Col fiatone, mi ci appoggiai,/
la schiena sentiva del tronco la scorza,/
ai miei piedi l'aria/l'ombra delle foglie/
faceva tremolare./ Non c'era che da continuare/
il mio tran tran.
Nessun commento:
Posta un commento